एमालेले भन्यो, ‘वर्तमान सरकार स्वास्थ्यमा पूर्ण रुपमा असफल’
सरकारको कामको आलोचना गर्दै जारी गर्यो २६ बुँदे रिपोर्ट कार्ड
काठमाडौँ, ३१ असार । नेकपा एमालेले शेरबहादुर देउवा नेतृत्वको बर्तमान सरकार स्वास्थ्यमा पूर्ण रुपमा असफल भएको आरोप लगाएको छ । एमालेको स्वास्थ्य तथा जनसंख्या विभागले शुक्रबार पत्रकार सम्मेलन गर्दै उक्त कुरा बताएको हो।
देउवा नेतृत्वको गठबन्धन सरकार बनेको गत २९ असारमा एक बर्ष पुगेको थियो ।
शुक्रबार पार्टी कार्यालयमा आयोजित पत्रकार सम्मेलनमा एमाले सचिव तथा स्वास्थ्य तथा जनसंख्या विभाग प्रमुख योगेश भट्टराईले गर्नुपर्ने महत्वपूर्ण कामहरुमा बर्तमान सरकार चुकेको बताए ।
‘प्रतिपक्ष दलको नाताले सरकारका गतिविधिलाई नजिकबाट अध्ययन गरेका छौँ । एक वर्षको गतिविधिलाई हेर्दा यो सरकार पूर्ण रुपमा चुकेको छ । रिपोर्ट कार्ड हेरेर भन्ने हो भने यो सरकार लद्धु देखिएको छ,’ उनले भने ।
भट्टराईले संविधानमा उल्लेख गरिएको स्वास्थ्य र शिक्षा जस्तो मौलिक हकको कार्यान्वयन गरी समाजवादको आधार तय गर्ने सवालमा त सरकारले छेउ टुप्पो नै फेला पार्न नसकेको आरोप लगाए ।
उनले सुरुवाती चरणमै आफूहरुले स्वास्थ्यका विषयमा गर्नै पर्ने महत्वपूर्ण काम तथा सुझावहरु प्रधानमन्त्री स्वयंलाई भेटेर दिएको भन्दै सो सुझावको कार्यान्वयन हुन नसकेको बताए ।
विभाग प्रमुख भट्टराईले बर्तमान सरकारले गरेका कामका आधारमा २६ बुँदे रिपोर्ट कार्ड तयार पारिएको भन्दै सो पढेर समेत सुनाएका थिए ।
यस्ता छन् एमाले स्वास्थ्य विभागले गरेको सरकारको मूल्याकंनको २६ बुँदा
सम्पर्क इमेल : [email protected]