काठमाडौँ, १२ फागुन । सरकारले स्वास्थ्य तथा जनसंख्या मन्त्रालयमा रिक्त रहेको प्रमुख विशेषज्ञ पद १२औं तहमा तीन जनालाई बढुवा गरेको छ ।

सोमबार बसेको मन्त्रिपरिषद बैठकले डा दीपेन्द्ररमण सिंह, डा रोशन पोखरेल र महेन्द्रप्रसाद श्रेष्ठलाई १२औं तहमा बढुवा गर्ने निर्णय गरेको हो।

यसअघि लोकसेवा आयोगका अध्यक्षको संयोजकत्वमा गठित बढुवा समितिले पाँच जनाको नाम सिफारिस गरेको थियो । त्यसमा अहिले बढुवा भएका तीन जना बाहेक डा भीमसिंह तिंकरी र डा केदार सेन्चुरी थिए ।