काठमाडौँ, ४ असोज । त्रिभुवन विश्वविद्यालय चिकित्साशास्त्र अध्ययन संस्थान (आइओएम)ले आफू अन्तरगर्तका १० वटा मेडिकल तथा डेन्टल कलेजका लागि यस शैक्षिक सत्रमा अध्ययन गराउनका लागि नयाँ सिट संख्या सिफारिस गरेको छ ।

गत २८ भदौमा बसेको विद्यापरिषदको बैठकले नयाँ सिटसंख्या निर्धारण गरेको हो । यद्धपी अहिलेसम्म आइओएमले औपचारिक रुपमा सार्वजनिक गरेको छैन् ।

सिफारिस सिटलाई नेपाल मेडिकल काउन्सिलको शुक्रबार ( भोलि ) बस्ने बैठकले अन्तिम टुंगो लगाउने छ ।

यसपटक जानकी मेडिकल कलेज र केडिया डेन्टल कलेजको सिट निर्धारण नभई विचाराधिन अवस्थामा राखिएको छ भने पहिलो पटक महाराजगञ्ज मेडिकल कलेजले डेन्टलमा २५ सिट पाएको छ ।

आइओएमको सिफारिसमा चितवन मेडिकल कलेजको एमबीबीएसमा सिट थपिएको छ तर विडिएसमा घटेको छ । किष्ट र युनिभर्सल मेडिकल कलेजको बीडीएसमा सिट घटेको छ ।