काठमाडौँ, ११ मंसिर । तीन दिन अघि  स्वास्थ्य सेवा समूह तर्फबाट बाह्रौँ तहमा बढुवा भएका डा. तरुण पौडेल सेवा निवृत्त भएका छन् । ६० बर्षे उमेर हदका कारण उनी आजबाट सेवा निबृत्त भएका हुन् । उनी निबृत्त भएसंगै स्वास्थ्य मन्त्रालयमा प्रमुख विशेषज्ञ पद ( १२ तह) खाली भएको छ ।

सेवा निबृत्त डा पौडेललाई आजै स्वास्थ्य सेवा विभागका कर्मचारीहरुले विदाई समेत गरेका छन् ।

लाइनमा को को छन् ?
स्वास्थ्य मन्त्रालयका सचिव डा. किरण रेग्मी आउदो साता सेवा निबृत्त हुँदैछिन् । उनको ६० बर्षे उमेर हद आगामी १८ मंसिर देखि लाग्दैछ ।

त्यसपछि सेवा निबृत्त हुने पालो डा. नरेशप्रताप केसीको छ । स्वास्थ्य सेवा विभाग परिवार स्वास्थ्य महाशाखाका निर्देशक रहेका डा. केसी आगामी २७ मंसिरमा सेवा निबृत्त हुँदैछन् ।