काठमाडौँ, २ असार । त्रिवि शिक्षण अस्पतालका डा. गोविन्द केसीले मुखमा टेप लगाएर माइतीघर मण्डलामा प्रदर्शन गरेका छन् ।

स्थानीय प्रशासनले माइतीघर मण्डलाा लगायतका स्थानमा प्रदर्शन गर्न रोक लगाएको भन्दै त्यसको विरोधमा डा. केसीले शनिबार प्रदर्शन गरेका हुन् ।

उनले आफूहरुको आन्दोलनको बलमा लोकमान सिंह कार्की, गोपाल पराजुलीहरु ढलेको तर, उनीहरु त पात्र मात्र भएको बताए । मुख्य पात्र दलका नेताहरु भएको डा. केसीको दाबी छ ।

डा. केसीले भ्रष्टाचार, वेथितीविरुद्ध आफ्नो आन्दोलन जारी रहेको बताए । तर, सरकारले नागरिकको मुख थुन्न माइतीघर मण्डला लगायतका स्थानमा प्रदर्शन गर्न रोक लगाएको भन्दै डा. केसीले भने, म ओलीजीलाई भन्छु, हामी आवाज बुलन्द गर्छौं, यहीबाट लड्छौं ।