काठमाडौँ, १२ माघ ।  नेपालका चर्चित नेत्र विशेषज्ञ डा. सन्दुक रुइतलाई भारतको प्रतिष्ठित ‘पद्मश्री’ अवार्डबाट सम्मानित हुने भएका छन् । भारतले आज मनाउन लागेको ६९ औँ गणतन्त्र दिवसको अवसरमा डा. रुइतलाई यो अवार्डबाट सम्मान गर्न लागिएको हो ।

तिलगंगा आँखा प्रतिष्ठानका कार्यकारी निर्देशक डा. रुइतलाई स्वदेशी तथा विदेशी लाखौँ व्यक्तिको आँखा उपचार गरी ज्योति फर्काउन सफल भएको भन्दै यो अवार्डका लागि छनौट गरिएको जनाइएको छ ।

भारत सरकारको चौथो ठूलो मानिने  ‘पद्मश्री’ अवार्डबाट अरु विभिन्न क्षेत्रका ३२ जना स्वादेशी तथा विदेशी व्यक्ति सम्मानित हुने उल्लेख छ ।