काठमाडौँ, २५ पुस । अदालतको अवहेलना मुद्धामा पक्राउ परेका डाक्टर गोविन्द केसीको बयान सकिएको छ । बहस भने भोली सुरु हुने जनाइएको छ ।

डा केसीको मुद्धा न्यायाधीशद्वय ओमप्रकाश मिश्र र केदार चालिसेले हेरिरहेका छन् । आजै बहस सुरु हुने भनिएपनि बयानै ढिलो हुँदा बहस सरेको हो ।

डा केसीका तर्फबाट भोली बहस गर्न अधिबक्ता कृष्णप्रसाद भण्डारी, ओमप्रकाश अर्याल, बाबुराम गिरी, दिनेश त्रिपाठी, सुरेन्द्र भण्डारीलगायतले नाम लेखाएका छन् ।

केसीको विपक्षमा रमण श्रेष्ठ, उपेन्द्रकेशरी न्यौपाने, श्याम खरेल, लक्ष्मण थपलिया र दीपक बिष्टले बहस गर्नेछन्। बहस नसकिएका कारण डा केसी आज पनि प्रहरी हिरासतमै रहनेछन् ।