काठमाडौँ, १९ भदौ । स्वास्थ्य मन्त्रालयले आगामी ४ देखि ८ असोजसम्म बार्षिक समिक्षा गोष्ठि गर्ने भएको छ । अघिल्ला बर्षहरुमा मन्त्रालयले पाँच विकास क्षेत्रमा समिक्षा सकेर काठमाडौँमा केन्द्रीय समिक्षा गोष्ठी गर्ने गरेको थियो । यसपटक भने अन्त समिक्षा नगरी एकैपटक काठमाडौँमा गर्न लागेको हो ।

स्वास्थ्य सेवा विभागका उपमहानिर्देशक चुडामणी भण्डारीले यसपटक केन्द्रमा मात्रै समिक्षा हुने बताए । उनले आगामी ४ देखि ८ असोजमा जिल्ला, क्षेत्र, विभाग तथा महाशाखा र प्रतिष्ठानका प्रमुखहरु राजधानीमा आउने र समिक्षा हुने बताए ।

मन्त्रालयले त्रिपुरेश्वरस्थि युनाइटेड वल्र्डटेड सेन्टरमा समिक्षा गर्ने तयारी गरेको छ । उपमहानिर्देशक भण्डारीले अघिल्ला समिक्षाहरुमा क्षेत्रीय रुपमा गरेजस्तै यसपटक प्रदेशस्तरमा छुट्याएर समिक्षा हुने समेत बताए ।

अघिल्ला बर्षहरुमा महिनादिन सम्म समिक्षामै भुल्नुपर्ने र समय खेर जाने गरेको भन्दै यसपटक छोटोसमयमा प्रभावकारी ढंगले समिक्षा गर्न लागिएको उनले जानकारी दिए ।