पोखरा विश्वविद्यालय शिक्षण अस्पतालमा १० स्टाफ नर्ससहित १६ जनाका लागि रोजगारीको अवसर

52
Shares

काठमाडौैँ, १ मंसिर । पोखरा विश्वविद्यालय शिक्षण अस्पतालले विभिन्न प्राविधिक पदमा १६ जना कर्मचारी करार सेवामा भर्ना गर्न दरखास्त आह्वान गरेको छ।

अस्पतालले आज एक सार्वजनिक सूचना जारी गर्दै स्टाफ नर्स १० जना, अ.न.मी. ४ जना, रेडियोग्राफी टेक्निसियन १ जना र ल्याब असिस्टेन्ट १ जना गरी कुल १६ जना जनशक्ति माग गरेको हो।

इच्छुक योग्य नेपाली नागरिकले मंसिर १५ गते कार्यालय समयभित्र अस्पतालमा आवेदन पेस गर्न सक्ने मंगलबार जारी सूचनामा उल्लेख छ ।

आवेदकले शैक्षिक योग्यता, नागरिकता, सम्बन्धित परिषद्को अद्यावधिक प्रमाणपत्र, अनुभव तथा तालिमका प्रमाणपत्रको प्रतिलिपि र बायोडाटासहित आवेदन दिनुपर्नेछ ।

लिखित परीक्षा मंसिर २२ गते र प्रयोगात्मक परीक्षा तथा अन्तर्वार्ता मंसिर २९ गते सञ्चालन हुनेछ ।

नेपाली हेल्थमा प्रकाशित समाचार / स्वास्थ्य सामग्री पढ्नु भएकोमा धन्यवाद। प्रकाशित सामग्रीबारे कुनै गुनासो, सुझाव साथै लेख,
विश्लेषण, सूचना, जानकारी तथा विज्ञापनका लागि हामीलाई (nepalihealthnews@gmail.com) मा सम्पर्क गर्नुहोला।

Leave a Reply

Your email address will not be published. Required fields are marked *