काठमाडौँ, २१ भदौ । यसवर्ष देखि देशमा चिकित्सा शिक्षा तर्फ एमबीबीएस अध्यापन गराउने तीनवा सरकारी प्रतिष्ठान थपिएका छन् ।

चिकित्सा शिक्षा आयोगले आज एमबीबीएस अध्ययन् गराउने कलेज तथा प्रतिष्ठानको लिष्ट सार्वजनिक गर्दा मधेश स्वास्थ्य विज्ञान प्रतिष्ठान, पोखरा स्वास्थ्य विज्ञान प्रतिष्ठान र राप्ती स्वास्थ्य विज्ञान प्रतिष्ठानको नाम उल्लेख छ । \

यी तीनवटै प्रतिष्ठानमा यही शैक्षिक सत्रदेखि एमबीबीएस अध्यापन सुरु गर्ने गरी ५० – ५० को दरले सिट निर्धारण भएको छ ।

सरकारले तीन सय शैय्या माथिका अस्पतालहरुमा एमबीबीएस कक्षा सञ्चालन गर्ने नीति अनुरुप यसपटक तीनवटा प्रतिष्ठानले एमबीबीएसको पढाई सञ्चालन गर्न पाउने भएका हुन् ।