काठमाडौँ, २५ भदौ । सरकारले नेपाल औषधी लिमिटेडमा रिक्त रहेको अध्यक्ष पदमा यज्ञप्रसाद न्यौपानेलाई नियुक्त गरेको छ । आज बसेको मन्त्रिपरिषद्को बैठकले रिक्त अध्यक्ष पदमा न्यौपानेलाई नियुक्त गर्ने निर्णय गरेको हो ।

नेपाल औषधी लिमिटेडको अध्यक्ष पदमा न्यौपानेको यो दोस्रो पटकको नियुक्ती हो । न्यौपानेले यसअघि २०७९ देखि २०८२ सालसम्मको पूर्ण कार्यकाल औषधी लिमिटेडको नेतृत्व गरेका थिए । त्यसबेला उनीमाथि करीब करीब टाट पल्टेको नेपाल औषधी लिमिडेटलाई जगाउने प्रयास गरेको श्रेय जाने गरेको छ ।

२०६८ साल देखि २०७२ सालसम्म नेपाल फार्मेसी काउन्सिलको अध्यक्ष समेत रहेका न्यौपाने फार्मास्युटिकल क्षेत्रमा परिचित नाम हो । यसपटक उनी खुल्ला प्रतिस्पर्धाबाट सिफारिस भई नियुक्ती पाएका हुन् ।