नयाँदिल्ली, ६ माघ। भारतमा पछिल्लो २४ घण्टामा थप तीन लाख १७ हजारमा कोरोना संक्रमण पुष्टि भएको छ । यो संख्या तेस्रो लहरको संक्रमणमा अहिलेसम्मकै उच्च हो ।

भारतमा पछिल्लो केही हप्तादेखि दैनिक सङ्क्रमितहरुको सङ्ख्यामा दिन प्रति दिन बृद्धि हुदै गइरहेको अधिकारीहरुले जनाएका छन् ।

अहिले भारतका २९ ओटै राज्यमा ओमिक्रोन भेरियन्ट पुष्टि भएको छ । हालसम्म सक्रिय सङ्क्रमित मध्ये आठ हजार ९६१ जनामा ओमिक्रोन देखिएको छ ।

भारतमा  पछिल्लो चौबिस घन्टामा कोभिडबाट ४४१ जनाको मृत्यु भएको छ ।