नयाँ दिल्ली, २२ पुस । भारतमा कोभिड- १९ संक्रमण तीव्र रुपमा फैलिएको छ । पछिल्लो २४ घन्टामा थप ९० हजार ९२८ जनामा संक्रमण देखिएको छ ।

हिजो बुधबार ५८ हजारमा संक्रमण देखिएको थियो । कोभिडको नयाँ भेरियन्ट ओमिक्रोन फैलिएसँगै भारतमा कोभिड संक्रमितको संख्या दिनहुँ तीब्र रुपमा बढेको छ ।

भारतमा हालसम्म  २६३० जनामा ओमिक्रोन भेरियन्ट देखिएको छ । तीमध्ये सबैभन्दा बढी महाराष्ट्रमा देखिएका छन् । अहिलेसम्म भारतका २६ राज्यहरुमा ओमिक्रोन भेरियन्ट फैलिएको छ ।