काठमाडौँ, ३१ साउन । डा गोविन्द केसीको स्वास्थ्य अवस्था बुझ्न पूर्व राष्ट्रपति डा रामबरण यादव त्रिवि शिक्षण अस्पताल पुगेका छन् । केही बेर अघि अनसनस्थल पुगेका डा यादवले डा केसीको अनसन र स्वास्थ्य अवस्थाको बारेमा बुझेका थिए ।

डा केसीलाई भेटेपछि बोल्दै पूर्वराष्ट्रपति यादवले केसीले चिकित्सा शिक्षा सुधारका लागि थालेको अभियानमा आफ्नो समर्थन रहेको जनाएका थिए । उनले सरकारले डा केसीको माग छिटो भन्दा छिटो पुरा गर्नुपर्ने भन्दै आफ्नो तर्फबाट समेत त्यस कार्यमा सहयोग गर्ने बताए ।