काठमाडौँ, १३ साउन । आन्दोलनरत चिकित्सक र सरकारबीच पाँच बुँदे सहमति भएको छ। आज दिनभर जसो बसेको अनौपचारिक छलफललाई मुर्त रुप दिदै दुबै पक्ष सहमतिमा पुगेको हो ।

अपरान्ह स्वास्थ्य मन्त्रालयमा भएको बार्तामा स्वास्थ्यका अलावा कानून, उद्योग मन्त्रालयका सचिव सहित गृह मन्त्रालयका सहसचिवको सहभागिता थियो । आन्दोलनरत चिकित्सकहरुको तर्फबाट नेपाल चिकित्सक संघका अध्यक्ष डा बद्री रिजाल, महासचिव डा विश्वराज दवाडी र सह कोषाध्यक्ष तेजसु सिंह मल्लको सहभागिता थियो ।

गत शनिबार वीरगन्जस्थित नारायणी अस्पतालमा एक बिरामीको मृत्यु पछि आफन्तले डिउटीमा खटिएका चिकित्सकमाथि कुटपिट गरेका थिए । त्यसको विरोधमा चिकित्सकहरू आन्दोलित बनेका थिए।

संघको आह्वानमा मंगलबार र बुधबार देशभरका अस्पतालहरूमा आकस्मिक बाहेकका सबै सेवा ठप्प पारिएको थियो। अब सहमति भएसंगै चिकित्सक संघको आव्हानमा भएको आन्दोलन स्थगित भएको छ ।

हेर्नुहोस सहमतिका बुँदाहरु