काठमाडौँ, ४ मंसिर । महाराजगञ्जस्थित कान्ति बाल अस्पतालमा चिकित्सक तथा नर्सहरुको लागि रोगजारीको अवसर खुलेको छ ।

अस्पतालले करार सेवामा पदपूर्ति गर्नका लागि २४ जना मेडिकल अधिकृत (आठौँ तह) र १७ जना स्टाफ नर्स (पाँचौँ तह)का लागि दरखास्त आव्हान गरेको छ ।

यस्तै एक जना बायोमेडिकल इन्जिनियर (आठौँ) तहका लागि पनि दरखास्त आव्हान गरेको जनाएको छ । योग्यता पुगेका इच्छुक व्यक्तिले आजबाट आगामी १८ मंसिरसम्म दरखास्त हाल्न सक्ने बताइएको छ ।

दरखास्तका लागि अस्पतालको वेवसाइटबाट फारम डाउनलोड गर्न सकिने समेत जनाइएको छ । छनौट विधि लिखित र अन्तर्वार्ता हुने उल्लेख छ ।