काठमाडौँ, ५ जेठ । संयुक्त राज्य अमेरिकाका पूर्वराष्ट्रपति जो बाइडेनलाई प्रोस्टेट ग्रन्थिको क्यान्सर भएको पत्ता लागेको छ।

मूत्रप्रणालीमा समस्या देखा परेपछि परीक्षण गराउन जाँदा गत शुक्रवार उनलाई क्यान्सर पुष्टि भएको थियो।

उनको क्यान्सरलाई ‘हाइ ग्रेड’ क्यान्सरका रूपमा वर्गीकृत गरिएको छ। क्यान्सर रिसर्च यूकेका अनुसार, यस प्रकारको क्यान्सर कोषहरू तीव्र गतिमा शरीरमा फैलिन सक्छन्।