काठमाडौँ, १५ कात्तिक । विश्व स्वास्थ्य संगठन (डब्लूएचओ) को दक्षिण–पूर्वी एशिया (सेरो) को क्षेत्रीय निर्देशकमा साइमा वाजेद निर्वाचित भएकी छन् ।

केहीवेर अघि भएको निर्वाचनमा बंगलादेशका तर्फबाट उम्मेदवार बनेकी उनले नेपालका तर्फबाट उम्मेदवार बनेका डा शम्भु आचार्यलाई भारी मतले पराजित गर्दै निर्देशक बन्ने बाटो खोलेकी हुन् । कुल १० भोट खसेको आजको निर्वाचनमा वाजेदले ८ भोट प्राप्त गरिन् । नेपालका डाक्टर आचार्यले भने २ भोटमै खुम्चिनु पर्यो ।

निर्वाचित क्षेत्रीय निर्देशकले १ फेब्रुअरी २०२४ देखि पाँच वर्षका लागि कार्यभार सम्हाल्नेछन् ।