चितवन -३ बाट डा. भोजराजलाई पराजित गर्दै बिक्रम पाण्डे निर्वाचित
काठमाडौँ, १० मंसिर । प्रतिनिधिसभा सदस्य निर्वाचन अन्तरगत चितवन क्षेत्र नं ३ मा सत्ता गठबन्धनको तर्फबाट उम्मेद्धार बनेका डा भोजराज अधिकारलिाई राष्ट्रिय प्रजातन्त्र पार्टीका उम्मेद्धार विक्रम पाण्डेले पराजित गरेका छन् ।
निर्वाचन आयोगका अनुसार पाण्डेले सो क्षेत्रबाट ३५ हजार ५५ मत ल्याई बिजयी हुँदा निकटतम बनेका डा अधिकारीले २५ हजार ८२२ मत प्राप्त गरेका थिए । तेस्रो स्थानमा रहेकी राष्ट्रिय स्वतन्त्र पार्टीकी जीता बरालले १४ हजार ८४२ मत प्राप्त गरेकी थिईन ।
चितवन क्षेत्र नं ३ मा यसअघि माओवादी केन्द्रका अध्यक्ष पुष्पकमल दाहाल प्रचण्ड उम्मेद्धार बन्ने चर्चा थियो । तर अन्तिम समयमा उनी चितवन छाडेर गोर्खा लागेपछि सो ठाँउमा माओवादीको तर्फबाट डा. अधिकारीले टिकट पाएका थिए ।
यसअघि भरतपुर अस्पतालका अध्यक्ष रहेका डा अधिकारीले राजिनामा दिएर निर्वाचनमा होमिएका थिए ।
सम्पर्क इमेल : nepalihealthnews@gmail.com