कोरोना संक्रमण बढेको भन्दै प्रचण्डले भेटघाट रोके
काठमाडौँ, २२ पुस । नेकपा माओवादी केन्द्रका अध्यक्ष पुष्पकमल दाहाल प्रचण्डले भेटघाटलाई बन्द गरेका छन् । कोरोना संक्रमण बढ्न थालेको र स्वास्थ्य सतर्कता अपनाउन स्वास्थ्यकर्मीले सुझाव दिएको भन्दै भेटघाटलाई बन्द गरिएको उनको सचिवालयले जनाएको छ ।
सचिवालयले विहीबार विज्ञप्ती जारी गर्दै पार्टीको आठौँ राष्ट्रिय महाधिवेशनबाट अध्यक्षमा निर्वाचित भएपछि भेटेरै बधाई तथा शुभकामना दिने क्रम बढीरहेको र यहि बेला कोरोना संक्रमण समेत बढेको हुँदा भौतिक रुपमा उपस्थिति र भेटघाटका कार्यक्रम रोकिएको उल्लेख छ ।
सचिवालयले पार्टीको केन्द्रीय कार्यालयका कतिपय जिम्मेवार नेताहरुलाई समेत कोभिड संक्रमण देखिएको भन्दै कार्यालयमा हुने भिडभाडमा पनि उच्च सतर्कता अपनाउन अनुरोध गेको छ ।
छिमेकी मुलुक भारतमा पछिल्ला दिनमा तिब्र गतिमा कोरोना फैलिएको छ भने नेपालमा पनि संक्रमण दर बढ्दो क्रममा देखिएको छ ।
सम्पर्क इमेल : [email protected]