काठमाडौँ, २ पुस । स्वास्थ्य तथा जनसंख्या मन्त्रालयको प्रशासन महाशाखा प्रमुख शैलजा रेग्मी सरुवा भएकी छन् । उनी सरुवा भएर राष्ट्रिय महिला आयोग पुगेकी छन् ।

स्वास्थ्यमा भने प्राकृतिक स्रोत तथा वित्त आयोगबाट सरुवा भई सहसचिव मदन भुजेल आएका छन् ।

मंसिर २८ गतेको निर्णय रहेछ । मैले आज सरुवाको पत्र पाएँ । स्वास्थ्यमा भुजेल जी आउनु भएको छ । सहसचिव रेग्मीले भनिन् ।

यस्तै स्वास्थ्यमा उपसचिव प्रेम महर्जन, भवनाथ खतिवडा र खिमा लङ्गा पनि सरुवा भएर आएका छन् ।

त्यस्तै शाखा अधिकृत अञ्जु पोखरेल, सौगात सम्बाहाम्फे पनि स्वास्थ्य मन्त्रालयमा सरुवा भएर आएका छन् ।