काठमाडौं, २६ मंसिर। नेकपा एमालेको स्वास्थ्य तथा जनसंख्या विभागको प्रमुखको जिम्मेवारी योगेश भट्टराईलाई दिइएको छ ।

भक्तपुरमा जारी केन्द्रीय कमिटी बैठकले पार्टीका सचिव समेत रहेका भट्टराईलाई विभागको जिम्मेवारी दिएको हो ।

यसअघि पार्टीको स्वास्थ्य विभाग प्रमुख खगराज अधिकारी थिए ।

पूर्व स्वास्थ्य मन्त्री रहेका अधिकारीलाई यसपटक भने पार्टीको संगठन विभाग प्रमुखको जिम्मेवारी तोकिएको छ ।