काठमाडौँ महानगरपालिकाको सबै वडामा कोभिडविरुद्धको पहिलो र दोस्रो डोज खोप चल्दै

  • काठमाडौँबाट बाहिरिने र भित्रनेहरुका लागि चारवटा नाकामा एक महिनासम्म खोप सञ्चालन गरिदै
  • - नेपाली हेल्थ

    काठमाडौँ, ७ मंसिर । काठमाडौँ महानगरपालिकाले आज र भोलिका लागि ३२ वटै वडामा कोभिडविरुद्धको खोप क्याम्पियन सञ्चालन गर्दैछ । महानगरपालिकाले एस्टाजेनेकाको दोस्रो डोज र भेरोसेलको पहिलो र दोस्रो डोज सञ्चालन गर्ने भएको हो ।

    महानगरपालिकाका स्वास्थ्य प्रमुख हरि कुवरका अनुसार १८ वर्ष माथिका सबै नागरिकले परिचयपत्रका साथमा विहान १० देखि ४ बजेसम्म खोप केन्द्रमा पुगेर यी खोप लिन सक्नेछन् ।

    कुवरले पहिलो डोज लिएकाहरुले परिचय पत्र र दोस्रो डोज लिएकाहरुले खोप कार्ड अनिवार्य रुपमा लिएर आउनुपर्ने बताए ।

    महानगरपालिकाले तोकेका खोप केन्द्र

    काठमाडौँ बाहिरिने र भित्रनेका लागि चार ठाँउमा खोप केन्द्र
    यसैबीच महानगरले गत काठमाडौँबाट बाहिरिने र भित्रनेका लागि चार स्थानमा खोप केन्द्र सञ्चालनमा ल्याएको छ । महानगरले कलंकी चोक, बल्खुको बयोधा अस्पताल, गोगंवुको नयाँ बसपार्क, कोटेश्वरको जडिवुटी प्रसोधन केन्द्रमा खोप सञ्चालन गरेको छ ।

    स्वास्थ्य प्रमुख कुँवरले यी स्थानमा १८ बर्षमाथिका जो सुकै व्यक्तिले परिचय पत्र अथवा खोप कार्डका आधारमा पहिलो तथा दोस्रो डोज खोप लिन सक्नेछन् । महानगरपालिकाले गत आइतबारबाट सुरु गरेको यो अभियान एक महिनासम्म चल्ने जनाएको छ ।

    यी केन्द्रहरुमा खोप विहान १० देखि दिउसो ३ बजेसम्म मात्रै लगाइने समेत स्पष्ट पारेको छ ।

     


    Facebook Comment


    थप समाचार