डा दीपक खरेलको निधन
काठमाडौँ, २ मंसिर । सडक दुर्घटनामा गम्भीर घाइते भई राष्ट्रिय ट्रमा सेन्टरमा उपचाररत डा. दीपक खरेलको मृत्यु भएको छ।
डा. खरेलको विहीबार (आज) विहान ८ : २३ बजे मृत्यु भएको हो । कपिलवस्तु सामुदायिक अस्पतालमा कार्यरत डा खरेल गत २१ कात्तिकमा सडक दुर्घटनामा परेका थिए ।
उनलाई सुरुमा बुटवलस्थित क्रिमशन अस्पताल र त्यसपछि नेपाल मेडिसिटी अस्पतालमा उपचार भएको थियो ।
केही दिन मेडिसिटीमा राखेपछि उनलाई राष्ट्रिय ट्रमा सेन्टरमा ल्याइएको थियो ।
‘टाउकोमा गम्भीर चोट थियो । मेडिसिटीबाट यहाँ ल्याउँदा नै अवस्था निकै जटिल भइसकेको थियो । तै पनि हाम्रो डाक्टरहरुको टोलीले कोशीस गर्नु भएको हो । तर आज विहान ८ : १२ बजे उहाँको मुटुको धडकन रोकियो ८ : २३ बजे हामीले मृत घोषणा गर्न बाध्य भयौं,’ ट्रमा सेन्टरका निर्देशक डा. प्रमोद जोशीले भने ।
डा. खरेल उपचार न्यूरो सर्जन डा. राजीव झा नेतृत्वको टोलीले उपचार गरिरहेको थियो।
सम्पर्क इमेल : nepalihealthnews@gmail.com