प्रहरीको स्मार्ट सुरक्षा रणनीतिमा स्टार अस्पतालको साथ
काठमाडौँ, २९ कात्तिक । प्रहरी परिसर ललितपुरको स्मार्ट कन्ट्रोल रुम निर्माणमा स्टार हस्पिटलले सघाएको छ । प्रहरी परिसर जाउलाखेलले स्मार्ट सुरक्षा रणनीतिलाई अघि बढाउने योजनाका साथ सुरु गरेको स्मार्ट कन्ट्रोल रुम निर्माणमा स्टार हस्पिटलले सघाएको हो ।
प्रहरी परिसर जाउलाखेलका अनुसार स्टार हस्पिटलले संस्थागत सामाजिक उत्तरदायित्व अन्तर्गत प्रहरी परिसरमा निर्माणाधिन स्मार्ट कन्ट्रोल रुमको लागि आवश्यक पर्ने डिजिटल उपकरण तथा सामाग्री उपलब्ध गराएको हो ।
आइतबार प्रहरी परिसरमा आयोजित कार्यक्रममा ललितपुर प्रमुख एसएसपी किरण बज्राचार्यलाई हस्पिटलका अध्यक्ष किशोर महर्जनले स्मार्ट कन्ट्रोल रुमको लागि युपीएस, व्याट्री, सीसीटिभी हस्तान्तरण गरेका छन् ।
सो कार्यक्रममा बोल्दै स्टार हस्पिटलका मेडिकल डाइरेक्टर डा शैल रुपाखेतीले प्रहरी परिसरको सुरक्षा रणनीतिमा सहकार्य गर्न पाउँदा निकै खुशी लागेको बताए । उनले परिसरसंग थप सहकार्य गर्ने समेत प्रतिवद्धता व्यक्त गरे ।
सामाग्री हस्तान्तरण कार्यक्रममा हस्पिटलका चिफ अपरेटि ङ आफिसर डा सन्देश जिसी, हस्पिटल म्यानेजर हरि ढकाल लगायतको समेत उपस्थिती थियो ।
सो अवसरमा हस्पिटलको टोलीले निर्माणाधिन स्मार्ट कन्ट्रोल रुमको अवलोकन एवं कार्य प्रणालीका बारेमा जानकारी लिएको थियो ।
सम्पर्क इमेल : nepalihealthnews@gmail.com