काठमाडौंमा भेरोसेलको दोस्रो मात्रा दिने कार्य यसै साता सुरु हुँदै, विद्युतीय दर्ता अनिवार्य

  • काठमाडौँ महानगर र बुढानिलकण्ठ नगरपालिकामा आजको खोप कार्यक्रम स्थगित
  • - नेपाली हेल्थ
    सोमबार (आज) त्रिवि शिक्षण अस्पतालमा खोप लगाउन लामबद्ध भएका सर्वसाधारण

    काठमाडौँ, १८ साउन ।  स्वास्थ्य कार्यालय काठमाडौँले झण्डै एक महिना अघि लगाएको भेरोसेल खोपको दोस्रो मात्रा यसै साता देखि सुरु गर्ने भएको छ । तर कार्यालयले दोस्रो मात्रा खोप लिनका लागि विद्युतीय दर्ता नम्बर र पहिलो मात्रा खोप लगाएको कार्ड अनिवार्य रुपमा लिई आउनुपर्ने जनाएको छ ।

    स्वास्थ्य कार्यालयका प्रमुख बद्रीबहादुर खड्काले दोस्रो मात्रा खोप अवको चार पाँच दिन भित्र सुरु गर्ने बताएका छन् । उनले खोप विवरणलाई व्यवस्थित गर्न सरकारले विद्युतीय दर्तालाई अनिवार्य गरेको भन्दै आफ्नो कार्यालयले अव खोप लिनका लागि अनिवार्य रुपमा विद्युतीय दर्ता गरेको बताए ।

    यसैबीच आज काठमाडौ महानगरपालिकाका वडाहरुमा र बुढानिलकण्ठ नगरपालिकामा भेरोसेलको पहिलो मात्रा दिने कार्यक्रम स्थगित भएको छ ।  दुबै नगरमा खोप सकिएका कारण कार्यक्रम स्थगित गरिएको स्वास्थ्य कार्यालयले जनाएको छ ।

    उता गोकर्णेश्वर नगरपालिकाका केही खोप केन्द्रमा हिजो विवाद भएका कारण आज खोप कार्यक्रम सञ्चालन नहुने जानकारी पाएको जिल्ला प्रमुख खड्काले बताए ।

    अत्यावश्यक सेवाका व्यक्तिका लागि तोकिएको अस्पतालहरुमा भने खोप आज पनि जारी छ ।

    यसअघि काठमाडौमा १४ साउन देखि सुरु भएको भेरोसेलको पहिलो डोज लगाउने कार्यक्रम आजसम्म तोकिएको थियो ।


    Facebook Comment


    थप समाचार