डेनमार्कका मीडफिल्डर एरिकसन अस्पतालबाट ‘डिस्चार्ज’

- नेपाली हेल्थ

एजेन्सी । डेनमार्कका मीडफिल्डर क्रिश्चियन एरिकसन अस्पतालबाट डिस्चार्ज भएका छन् । उनको मुटुको शल्यक्रिया गरिएको छ ।
यूरो कप फुटबल २०२० अन्तगर्त गत शनिबार कोपनहेगनमा भएको फिनल्याण्डबिरुद्धको खेलमा २९ वर्षीय डेनमार्कका मीडफिल्डर एरिकसन मैदानमै ढलेका थिए ।

उनलाई मैदानमै हृदयघात भएको थियो । तात्कालै मैदानमा ढल्न पुगेका एरिकसनको आपातकालीन उपचार गरिएपनि होसमा नआएपछि अस्पताल भर्ना गरिएको थियो । शुक्रबार उनको उपचार भइरहेको अस्पतालमा फुटवल टोलीका सदस्यले भ्रमण गरेका थिए । लगत्तै उनी आफ्नो परिवारजनसँग घर फर्किएका हुन् ।

एरिकसनले एक वक्तब्य जारी गरी प्रशंसकलाई स्वास्थ्य लाभको कामना गरेकोमा आभार प्रकट गरेका छन् । उनले शल्यक्रिया सफल भएको र आफू राम्रो अवस्थामा रहेको बताएका छन् ।


Facebook Comment


थप समाचार