नेपालमा पछिल्लो चौविस घण्टामा थप १ हजार ९६ जनामा कोरोना संक्रमण
काठमाडौँ, ५ बैशाख । पछिल्लो चौविस घण्टामा देशभर थप १ हजार ९६ जनामा कोरोना संक्रमण देखा परेको छ । स्वास्थ्य तथा जनसंख्या मन्त्रालयका अनुसार कुल ५ हजार ८४ जनाको पीसीआर र ६९९ जनाको एन्टीजेन परीक्षण गर्दा १ हजार ९६ जनाको रिपोर्ट पोजेटिभ पाइएको हो ।
यसमा एन्टीजेनबाट १५ जना र पीसीआरबाट १ हजार १५ जना पीसीआरबाट पोजेटिभ देखिएको हो ।
यो संगै देशमा सक्रिय संक्रमितको संख्या ६ हजार २९० पुगेको छ ।
मन्त्रालयले पछिल्लो २४ घण्टामा कोरोना संक्रमणबाट थप ८ जनाको ज्यान गएको समेत जानकारी दिएको छ । यो संगै कोरोना संक्रमणबाट कुल ज्यान गुमाउनेको संख्या ३ हजार ८३ पुगेको छ ।
मन्त्रालयले पछिल्लो चौविस घण्टामा २६२ जना कोरोना संक्रमणबाट निको भई घर फर्केको उल्लेख गरेको छ ।
नेपालमा आज देखिएको संक्रमणको संख्या पछिल्लो छ महिना यताकै सबैभन्दा बढी हो ।
सम्पर्क इमेल : nepalihealthnews@gmail.com