नर्भिकमा उपचाररत बिरामीमा कोरोना पुष्टी, पाटन अस्पताल रिफर

- नेपाली हेल्थ

काठमाडौँ, १९ जेठ । नर्भिक अस्पतालमा उपचाररत एक जना बिरामीमा कोरोना संक्रमण देखिएको छ । चार दिन अघि हेटौँडा अस्पतालबाट रिफर भएर आएको एक जना ६१ बर्षीया महिलामा कोरोना संक्रमण देखिएको हो ।

‘डिमेन्सिया (विर्सने रोग)को विरामी हो । हामी कहाँ विहीबार राती आइपुगेको थियो । तर बाहिरबाट आएको भएकाले आइसोलेसनमा राख्यौं, पीसीआर टेष्टका लागि पठायौँ । आज रिपोर्ट आयो । पोजेटिभ आयो । त्यसपछि सरकारको नीति अनुसार नै पाटन पठायौँ,’ अस्पताल स्रोतले भन्यो ।

अस्पतालमा आइसोलेसन अस्पतालको बाहिरी भागमा बनाएको र आइसोलेसनका लागि स्पेशल टिम भएकोले अस्पतालको अरु नियमित सेवामा कुनै अफ्टेरो नभएको समेत स्रोतले बतायो । पछिल्लो समय काठमाडौँका निजी अस्पतालमा समेत कोरोना संक्रमण देखिएको छ ।

संक्रमितहरुलाई सरकारले तोकेको अस्पतालमै पठाउनुपर्ने भन्दै निजी अस्पतालले पोजेटिभ केशहरुलाई सरकारी अस्पतालमा रिफर गर्ने गरेका छन् ।


Facebook Comment


थप समाचार