काठमाडौँ, ६ पुस । औषधि व्यवस्था विभाग परिसरमा सहायता कक्ष (हेल्प डेस्क) स्थापना गरिएको छ । नेपाल औषधि व्यवसायी संघ (एनसीडीए) काठमाडौँ शाखाको समन्वयमा विभाग परिसरमा हेल्प डेस्क स्थापना गरिएको हो ।

दैनिक रुपमा काम लिएर जाने औषधि व्यवसायीलाई सेवामा सहयोग पुगोस भन्ने हेतुले विभाग परिसरमा हेल्प डेस्क स्थापना गरिएको एनसीडीए काठमाडौँ शाखाका महासचिव शुभमान श्रेष्ठले बताए ।

एनसीडीए काठमाडौँ जिल्ला शाखा स्थापना भएको १०० दिन पुगेको अवसर पारी आइतबार विभागका प्रवक्ता सन्तोष केसी र एनसीडीएका महासचिव श्रेष्ठले संयुक्त रुपमा हेल्प डेस्कको उद्घाटन गरेका थिए ।

सो अवसरमा बोल्दै महासचिव श्रेष्ठले व्यवसायीको काम गर्न हेल्पडेस्कले धेरै नै सहयोग पु¥याउने विश्वास व्यक्त गरे । सो अवसरमा उनले आम जनता तथा औषधि व्यवसायीलाई सहयोग पु¥याउन जिल्ला शाखाले वेवसाइटको निर्माण र अक्षय कोषको स्थापना गर्न लागेको जानकारी दिए ।