काठमाडौँ, २ असोज । स्वास्थ्य तथा जनसंख्या सचिव डा. पुष्पा चौधरीले ग्लोवल मेटरनल हेल्थ भिजनरी अवार्ड प्राप्त गरेकी छन् । मातृशिशु क्षेत्रमा पुर्‍याएको योगदानको कदर गर्दै डा. चौधरीलाई सो अवार्ड दिइएको हो ।

अमेरिकाको बोस्टनमा सोमबार आयोजित मेटरनल हेल्थ सिम्पोजियम कार्यक्रममा सचिव डा. चौधरीलाई सो अवार्ड प्रदान गरिएको हो।

विश्वभरिका विभिन्न देशका ३८० जनाबाट मध्येबाट अन्तिम चरणमा १० उत्कृष्टलाई अवार्ड प्रदान गरिएको थियो।