काठमाडौँ, ९ साउन । त्रिभुवन विश्वविद्यालयले चिकित्साशास्त्र अध्ययन संस्थान (आईओएम)मा रिक्त सहायक डीन र क्याम्पस प्रमुखको नियुक्ति गरेको छ । त्रिवि कार्यकारी परिषदको आज बसेको बैठकले रिक्त सहायक डीन र क्याम्पस प्रमुखको नियुक्ती गरेको हो ।

परिषदले प्राडा प्रताप नारायणदाशलाई क्याम्प प्रमुख जिम्मेबारी दिएको छ । त्यस्तै डा डा. द्वारिका श्रेष्ठ, डा. राजेन्द्र गुरागाईं, डा. मधु देवकोटा र मन्दिरा पन्तलाई सहायक डीनमा नियुक्त गरेको छ ।

क्याम्पस प्रमुख पूर्ण कार्याकालका लागि गरिएको भएपनि सहायक डीनको नियुक्ती अस्थायी भएको बताइएको छ ।

यता डा गोविन्द केसीले भने आइओएममा रिक्त पदाधिकारीहरुको नियुक्ती नभएको भन्दै आजैबाट अनसन सुरु गरेका छन् ।