स्वास्थ्यकर्मी जोसुकै होस, असन्तुष्टि मन्त्रालयसंग, मन्त्रीसंग वा जोसुकैसंग होस, स्वास्थ्य सेवालाई अवरुद्ध गर्ने, स्वास्थ्य संस्था ताला लगाउने, त्यसमाथि बालबालिकालाई पोलियो थोपा खुवाउन नदिने यो अधिकार कसले दियो ? के यो पाप होईन ? यो स्वास्थ्यकर्मीकै अपमान होइन ?

– गगनकुमार थापा ( स्वास्थ्यमन्त्री )कुनै पनि तर्कले यो हर्कतको औचित्य पुष्टी गर्न सक्छ ? यो छुट कसैले पाउन सक्छ ? सक्दैन ।

हिजोदेखि शुरु भएको राष्ट्रिय पोलियो कार्यक्रम अन्तर्गत १५ जिल्लाका १६ ाख २८ हजार बालबालिकालाई पोलियो थोपा खुवाउने हाम्रो कार्यक्रम हो । यो कार्यक्रम जसरी पनि सम्पन्न हुन्छ र सफल पनि हुन्छ ।

यस अभियानलाई सफल बनाउन जिम्मेबार स्वास्थ्यकर्मी साथीहरु, महिला स्वयंसेविका लगायत सबै पक्षबाट सक्रिय सहयोग हुनेछ भन्ने अपेक्षा गरेको छु ।

सरकारले प्रष्ट पारिसकेको छ स्वास्थ्य लगायत अत्यावश्यक क्षेत्रमा हड्ताल बन्द लगायत कुनै पनि अवरोधजन्य कार्य नगर्नुहोस ।
जहाँसम्म ९(ख)को विषय छ बर्षौदेखि कार्यान्वयन हुन नसकेको र यस अघि कसैले प्रयास समेत नगरेको उक्त दफा कार्यान्वनय गर्न र समस्या समाधानका लागि मैले मन्त्रालय सम्हाले देखि नै निरन्तर प्रयास गरेको छु ।

परिणाम यसको कार्यान्वयनका सन्दर्भमा मन्त्रिपरिषदले महत्वपुर्ण निर्णय गरिसकेको सो अनुरुप कार्यान्वयन गर्न समिति पनि बनि गृहकार्य गरिरहेको तथा ऐन संसोधनका सन्दर्भमा समेत समिति गठन भई कार्य प्रारम्भ भईसकेको छ ।यस सन्दर्भमा रचनात्मक सहयोगको लागि स्वास्थ्यकर्मी संघ संगठनसमेत पटक पटक छलफल भईरहेको छ ।

यसरी मन्त्रालयले लिएको अग्रसरताप्रति झन खुशी हुनुपर्नेमा पोलियो कार्यक्रम नै अवरुद्ध गर्ने र स्वास्थ्य संस्था तालाबन्दी गर्ने कार्य हुनु दुखद छ । स्वास्थ्य मन्त्रालय कर्मचारीले उठाएका जायज मुद्धा संबोधन गर्न सदैव प्रतिवद्ध रहन्छ तर स्वास्थ्य सेवामा अवरोध गर्ने र जिम्मेबारी बहन नगर्नेहरु प्रति कारबाही गर्न पनि उत्तिकै प्रतिबद्ध छ ।

स्वास्थ्य सेवालाई सुचारु राख्न र स्वास्थ्य सम्वन्धि विशेष कार्यक्रमहरु सफल बनाउन सधै झैँ सबै पक्ष एवं आम जनताको साथ र सहयोग हुनेछ भन्ने विश्वास लिएको छु ।