प्रसूतिगृह अस्पतालको पनि आजदेखि आफ्नै फार्मेसी
काठमाडौँ, १७ माघ । थापाथलीस्थित परोपकार प्रसूति तथा स्त्रीरोग अस्पतालले आजबाट आफ्नै फार्मेसी सुरु गरेको छ । अस्पतालको नयाँ भवनमा आजबाट फार्मेसी सुरु भएको हो ।
अस्पतालका निमित्त निर्देशक डा. अमिरबाबु श्रेष्ठले आजबाट फार्मेसी सुरु भएको जानकारी दिए । उनले एक सय बढी प्रकारका औषधिबाट फार्मेसी सुरु गरिएको जानकारी दिए । उनले एक हजार बढी प्रकारका औषधिको डेन्टर भएको र आउने क्रम रहेको बताए ।
उनले फार्मेसी खुलेपछि विरामीका लागि निकै फाईदा हुने बताए । ‘कुनै औषधि त बाहिर भन्दा चार पाँच गुणासम्म सस्तो पर्छ नत्र ५० प्रतिशत र नभए २० प्रतिशत त कम्तीमा सस्तो पर्छ नै यसले विरामीलाई धेरै नै सहयोग पुरयाउछ,’डा. श्रेष्ठले भने ।
अस्पतालको आफ्नै फार्मेसीको हुनुपर्ने भन्दै सरकारले कडाई गरेपछि सरकारी अस्पतालहरुले धमाधम आफ्ना फार्मेसी सञ्चालनमा ल्याएका छन् ।
सम्पर्क इमेल : nepalihealthnews@gmail.com