बिरामीको मृत्युपछि न्युरो अस्पताल तोडफोड

- नेपाली हेल्थ

काठमाडौँ, ९ माघ । उपचाररत विरामीको मृत्यु भएपछि बाँसबारीस्थित न्युरो अस्पताल तोडफोड गरिएको छ । चिकित्सकको लापरबाहीले मृत्यु भएको भन्दै आफन्तले अस्पताल तोडफोड गरेका हुन् । तोडफोडको आरोपमा प्रहरीले अस्पताल परिषरबाट २२ जनालाई नियन्त्रणमा लिएको छ ।

सडक दुर्घटनामा गम्भीर घाईते भएका २७ बर्षीय युनिस नगरकोटीको शनिबार उपचारका क्रममा मृत्यु भएको थियो । शनिबार एक्कासी बेहोस भएपछि आईसियुमा लैजाँदा लैजाँदै उनको ज्यान गएको अस्पताल स्रोतले जनाएको छ । तर आफन्तले चिकित्सकको लापरबाहीले ज्यान गएको आरोप लगाएका छन् ।

आईतबार विहानै देखि जम्मा भएका नगरकोटीका आफन्तले अस्पताल, चिकित्सक विरुद्ध नाराबाजी गर्दै तोडफोडमा उत्रिएका हुन् । उनीहरुले अस्पतालका चिकित्सक तथा कर्मचारीमाथि समेत दुव्र्यभार गरेको बताइएको छ ।


Facebook Comment


थप समाचार