आइओएमको नयाँ डीनमा प्राडा जगदीश प्रसाद अग्रवाल
काठमाडौँ, १८ मंसिर – चिकित्सा शास्त्र अध्ययन संस्थान आइओएमको नयाँ डीनमा प्राडा जगदीश प्रसाद अग्रवाल नियुक्त भएका छन् ।सर्च कमिटीको सिफारिसमा आज बिहान त्रिबि कार्यकारी परिषदले उनलाई डीनमा नियुक्ति गरेको हो ।
बरिष्ठताका आधारमा डीन नियुक्ति हुनुपर्ने माग राख्दै २१ दिन देखि आमरण अनसन बसेका डा गोविन्द केसीको अनसन तोडाउनका लागि डा केसीकै सल्लाहमा अग्रवाललाई नियुक्ति गरिएको हो ।
अग्रवाललाई अघिल्लो पटक डीन सिफारिस गर्न गठित सर्च कमिटिले पहिलो नम्बरमा राखेको थियो । यद्धपी त्रिवि कार्यकारीपरिषदले दोस्रो नम्बरका डा केपी सिंहलाई डीनमा नियुक्त गरेको थियो । डा केसीले सोही दिन देखि आमरण अनसन थालेका हुन् ।
यसै बिच स्वास्थ्यमन्त्री गगनकुमार थापाले अनशनरत डा गोबिन्द केसीलाई भेटेका छन् ।
सम्पर्क इमेल : [email protected]