डा. गोविन्द केसीलाई भेट्न संसदीय टोली पुग्यो शिक्षण अस्पताल
काठमाडौँ, ३ साउन – चिकित्सा शिक्षाको सुधारको लागि नौ दिन देखि अनशनरत डा. गोविन्द केसीलाई भेट्न संसदीय टोली अनशनस्थल शिक्षण अस्पताल पुगेको छ ।
संसदको सामाजिक न्याय तथा मानवअधिकार समितिका सभापति सुशीलकुमार श्रेष्ठको नेतृत्वमा १० जनाको टोली शिक्षण अस्पताल पुगेको हो ।
केसीलाई भेटेपछि समितिका सभापति श्रेष्ठले उनको माग तत्काल पूरा गर्न सरकारलाई निर्देशन दिने प्रतिक्रिया दिएका छन् । सभापति श्रेष्ठले डा. केसीको माग तत्काल पूरा गर्न सरकारलाई निर्देशन दिने र यो बिषय संसदमा पनि छलफल गर्ने बताए ।
समितिमा ४४ जना सांसद सदस्य छन् । टोलीले डा. केसीको स्वास्थ्य अवस्था बुझ्दै उपचारमा संलग्न चिकित्सकहरुलाई सोधपुछ गरेको छ ।
टोलीमा कांग्रेसका ४,माओवादी केन्द्रका २, मधेसी फोरमका १ सांसदसहित संसद सचिवालयका २ कर्मचारी छन् ।
सम्पर्क इमेल : [email protected]