काठमाडौँ, २० असार – शैक्षिक प्रमाणपत्र नक्कली भएको आरोपमा पक्राउ परेका चार जना चिकित्सकलाई जिल्ला अदालत काठमाडौँले धरौटीमा छाड्ने आदेश दिएको छ ।

आदेश पछि चारै जना धरौटी बुझाएर छुटेका छन् । त्यसरी छुट्नेहरुमा अरुणकुमार गुप्ता, गणेश शाह, बुद्धिमान श्रेष्ठ र विनिता मण्डल छन् ।
जिल्ला अदालतले गुप्ता र शाहसंग एक लाख रुपैया र श्रेष्ठ र मण्डलसंग पचास हजार धरौटी बुझाउन आदेश दिएको थियो ।

यस्तै काठमाडौँमा पक्राउ परेकामध्ये थप २ जनालाई सोमबार मुद्दा दायर भएको छ । उनीहरुको मंगलबार थुनछेक आदेश हुने छ । अन्य ६ जनाविरुद्ध मंगलबार सिआईबीले मुद्दा दायर गर्ने तयारी गरेको छ ।