स्वास्थ्य अवस्था गम्भीर भएपछि डा. केसीलाई काठमाडौँ ल्याइयो, त्रिवि शिक्षण अस्पतालमा भर्ना
काठमाडौँ, ४ माघ ।स्वास्थ्य अवस्था गम्भीर भएपछि इलाममा आमरण अनसनरत डा. गोविन्द केसीलाई रातारात काठमाडौं ल्याइएको छ । विहान पौने चार तिरबाट डा केसीलाई त्रिवि शिक्षण अस्पताल महाराजगञ्जमा भर्ना गरिएको छ । अहिले उनी आइसियूमा उपचाररत छन् ।
विहीबार साँझबाट उनको मुटुको चाल अस्थिर भएपछि चिकित्सकले कुनै पनि वेला दुर्घटना हुनसक्ने भन्दै तत्काल काठमाडौँ लैजान सुझाव दिएका थिए । सोही अनुसार सरकारले राती नै झापाको भद्रपुर सम्म एम्बुलेन्स र त्यसपछि नेपाली सेनाको नाइटभिजन हेलिकप्टरमा काठमाडौँ ल्याएको हो ।
काठमाडौँमा ल्याइसकेपछि पनि शुरुमा डा केसीले उपचार सेवा लिन मानेका थिएनन् । तर प्राध्यापक केदारभक्त माथेमा सहितको टोलीले आग्रह गरेपछि उनी उपचारका लागि राजि भएको डा केसी निकट मानिने डा अभिसेकराज सिंहले बताए ।
आफूसंग विगतमा गरिएको सम्झौँता कार्यान्व्नय हुनुपर्ने माग राख्दै डा केसी विगत ९ दिन देखि इलाममा अनसनरत थिए ।
सम्पर्क इमेल : nepalihealthnews@gmail.com