काठमाडौँ, २४ असोज । बलात्कृत बालिकाको शारीरिक जाँचका क्रममा गलत रिपोर्ट दिने दुई जना चिकित्सक कारबाहीमा परेका छन् । नेपाल मेडिकल काउन्सिलले गलत रिपोर्ट दिने जनकपुर अञ्चल अस्पतालमा कार्यरत डा विजयकुमार सिंह र डा रम्भा गोइतलाई कारबाही गरेको हो ।

काउन्सिलको मंगलबार बसेको बैठकले अर्को व्यवस्था नभएसम्म उनीहरुको व्यावसायिक प्रमाणपत्र (लाइसेन्स) निलम्वन गर्ने र चिकित्सकीय अभ्यासबाट बन्चित गराउने निर्णय गरेको छ ।

के भएको थियो घटना ?
घटना गत भदौ ८ गते राती पौने ११ बजेको हो । जनकनन्दनी गापा २ धनुषा बस्ने करण मण्डलले आफ्नी १२ बर्षीया बालिकालाई जवरजस्ती करणी गरेको भन्दै अभिभावकहरु प्रहरीमा उजुरी गरे ।

अर्को दिन विहानै बालिकाको शारीरिक परीक्षणका लागि जनकपुर अञ्चल अस्पताल लगियो । तर त्यहाँ कार्यरत डाक्टरहरुले बलात्कार नभएको रिपोर्ट दिए । बालिकाका अभिभावकलाई सो रिपोर्ट चित्त बुझेन र पुन जिल्ला अस्पताल सिराहामा लगेर शारीरिक परीक्षण गराए ।

त्यहाँको रिपोर्ट जनकपुर अञ्चल अस्पतालका डाक्टरले लेखिदिएको भन्दा फरक आयो ।

बालिका बलात्कारको शिकार भएको रिपोर्टले देखायो । बलात्कार जस्तो जघन्य केशमा दुई अस्पतालका डाक्टरबीच रिपोर्ट फरक परेको खबर सार्वजनिक भएपछि नेपाल मेडिकल काउन्सिलले सदस्य कालुसिंह खत्रीको संयोजकत्वमा चार सदस्यीय छानवीन टोली गठन गरयो ।

जसमा फरेन्सिक विज्ञ प्राडा हरिहर वस्ती र प्रसूति तथा स्त्रीरोग विशेषज्ञ डा मधु तुम्बाहाम्फे र स्वास्थ्य मन्त्रालयका उपसचिव पुस्कर नेपाल सदस्य थिए ।

उनीहरुले मंगलबार बुझाएको प्रतिवेदनमा चिकित्सकद्धय सिंह र गोइतले न्युनतम चिकित्सकीय आचारण तथा व्यवहार विपरित मेडिकल रिपोर्ट दिएको उल्लेख भएपछि काउन्सिलले तत्कालै उनीहरुमाथि एक्सन लिएको हो ।

छानवीन समितिलाई अटेरी गरेका अर्का चिकित्सक एक साता भित्र उपस्थित हुन उर्दी
यसैबीच काउन्सिलले शारीरिक जाँचका क्रममा फरक रिपोर्ट दिने सिराहा जिल्ला अस्पतालका डाक्टर राकेशकुमार सिंहलाई सात दिन भित्र उपस्थित भई प्रष्टिकरण दिन उर्दी जारी गरेको छ ।

काउन्सिलले यस अवधी भित्र समेत अटेरी गरी बसे लाइसेन्स निलम्बन गरिदिने र चिकित्सकीय अभ्यासबाट समेत बन्चित गराउने चेतावनी दिएको छ ।

डा सिंहले छानवीन टोलीले जनकपुर बोलाउँदा म आउँदिन भनेर अटेरी गरेको सदस्यहरु बताउँछन् ।

काउन्सिलले गरेको निर्णयको पूर्ण पाठ यस्तो छ :