काठमाडौँ, ४ माघ । स्वास्थ्य कार्यालय ललितपुरले विभिन्न ३० स्थानबाट कोभिडविरुद्धको खोप दिने भएको छ । स्वास्थ्य कार्यालयले सोमबार सूचना प्रकाशित गर्दै ललितपुर महानगरपालिका र अन्य पालिकामा फ्रन्टलाइनर र जेष्ठ नागरिकका लागि खोप केन्द्र तोकिएको जनाएको छ ।

काठमाडौँ, ३ माघ । कोरोनाको बढ्दो संत्रमणलाई हेरेर राष्ट्रिय स्वास्थ्यकर्मी संघ नेपालले सरकार समक्ष १३ बुँदे माग राखेको छ । संघले सोमबार विज्ञप्ती जारी गर्दै अस्पताल र स्वास्थ्य संस्थामा काम गरिरहँदा संक्रमित भएका स्वास्थ्यकर्मीहरुका निशुल्क उपचार, व्यवस्थित आइसोलेसनको व्यवस्था गर्नुपर्ने, स्वास्थ्यकर्मीहरुको यथासिघ्र वीमाको व्यवस्था गर्नुपर्ने लगाएतका माग अघि सारेको छ।