जुम्ला १७ भदौ –  नयाँ नेतृत्वका लागि आज देखि सुरु भएको नेपाल चिकित्सक संघको निर्वाचन अन्तर्गत जुम्ला शाखाको मतदात सम्पन्न भएको छ ।

विहान सवा नौ बजेबाट सुरु भएको निर्वाचन सवा दश बजे नै सम्पन्न भएको निर्वाचन अधिकृत डा. निरेश थापाले बताए ।

डा. थापाका अनुसार २३ जना मतदाता भएपनि आजको निर्वाचनमा १६ भोट मात्रै खसेको छ । अन्य मतदाता कामको सिलसिलामा जिल्ला बाहिर भएकोले १६ भन्दा बढी मत नखस्ने उनले बताए ।

डा. थापाले मतदाता र मतदान गरेको विवरण आजै काठमाडौँ फ्याक्स गर्ने र मतपेटिका भने सुरक्षीत रुपमा राखि दुई चार दिन पछि पुरयाउने तयारी भएको बताए । जुम्ला शाखाका अध्यक्ष डा. मंगल रावलले थोरै मतदाता भएकोले छिटै सम्पन्न भएको बताए ।