काठमाडौँ, ४ चैत ।  नेपाल नर्सिङ्ग परिषद्ले शनिबार (हिजो) सञ्चालन गरेको पीसीएल र बीएस्सी नर्सिङ्ग तर्फको नाम दर्ता (लाइसेन्स) परीक्षाको नतिजा प्रकाशित गरेको छ । परीक्षामा कुल ७० प्रतिशत उत्तीर्ण भएका छन् ।

परिषद्का रजिष्ट्रार शुक्ला खनालका अनुसार पीसीएल तर्फ परीक्षामा सहभागि भएका ४ हजार ५६७ जनामध्ये ३ हजार २५५ जना (७१.२७ प्रतिशत) उत्तीर्ण भएका छन् ।

यस्तै बीएस्सी नर्सिङ्ग तर्फ ४४५ सहभागी भएकोमा २६८ जना ( ६०.२२ प्रतिशत उत्तीर्ण भएका छन् । दुबै तहको कुल उत्तीर्ण प्रतिशत एकीकृत गर्दा भने ७०.२९ रहेको छ ।

परिषद्ले लिएको यो पीसीएल तर्फको ३५ औँ नाम दर्ता परीक्षा हो भने बीएस्सी तर्फ पाँचौँ नाम दर्ता प्रमाणपत्र परीक्षा हो ।

परीक्षामा अनुतीर्ण भएका परीक्षार्थीहरुले आगामी परीक्षामा सहभागी हुन पाउने बताइएको छ ।