काठमाडौँ, २९ वैशाख । नेपाल स्वास्थ्य व्यवसायी परिषद्ले लिएको छैठौं नाम दर्ता प्रमाणपत्र परीक्षाको परीक्षाफल प्रकाशित भएको छ ।

परिषदले पुल्चोकस्थित इन्जिनियररिङ क्याम्पसमा गत शनिबार लिएको लाइसेन्स परीक्षामा सहभागी २ हजार ९२५ जनामध्ये १ हजार ४७६ अर्थात् ५० दशमलव ४६ प्रतिशत उत्तीर्ण भएका छन्।

अकुपञ्चर, अकुप्रेसर एण्ड मोक्जीबस्टन र फिजियोथेरापी बाहेक अन्य विषयमा ४० प्रतिशत बढी विद्यार्थी उत्तीर्ण भएको परिषदले जनाएको छ ।