काठमाडौँ, २३ माघ । प्रख्यात भारतीय गायिका लता मंगेशकरको निधन भएको छ । भारतको मुम्वईस्थित ब्रीच क्याण्डी अस्पतालमा आज विहान उनको निधन भएको हो ।

९२ वर्षीया लतालाई गत ८ जनवरीमा कोभिड पुष्टि भएको थियो । रिपोर्ट पोजेटिभ आउनासाथ परिवारले तत्काल अस्पतालमा भर्ना गरेका थिए यद्धपी त्यसको जानकारी दुई दिन पछि अर्थात १० तारिकमा दिइएको थियो ।

कोभिड निको भएपछि करीव  पाँच दिन अघि उनको स्वास्थ्यमा सुधार आएको बताइएको थियो ।

उनलाई अक्सिजन सपोर्ट दिन नपर्ने भनिएको थियो । यद्धपी उनलाई आसीयूमै राखिएको थियो । तर दुई दिन अघि पुन स्वास्थ्य बिग्रिएपछि उनलाई भेन्टिलेटरमा राखिएको थियो ।

लता मंगेशकर ३६ भाषामा हजारौँ गीत गाएकी छन् ।