काठमाडौँ उपत्यकाका तीन जिल्लामा बिहीबारदेखि निषेधाज्ञा
काठमाडौँ, १३ बैशाख । स्थानीय प्रशासनले काठमाडौँ उपत्यकाका तीन जिल्लामा आगामी बैशाख १६ गते (बिहीबार) राति १२ बजेदेखि कम्तीमा एक साताका लागि निषेधाज्ञा लागू गर्ने भएको छ ।
सोमबार उपत्यकाका तीनवटै जिल्लाका जिल्ला प्रमुख अधिकारीहरुको बैठकले एक साता निषेध आदेश लागू गर्ने निर्णय गरेको हो ।
पहिलो चरणमा एक हप्ता निषेधाज्ञा लागु गरिने काठमाडौँका प्रमुख जिल्ला अधिकारी काली प्रसाद पराजुलीले जानकारी दिए ।
निषेधाज्ञाको विस्तृत सूचना केहीबेरमा सार्वजनिक हुँदैछ ।
उनले उपत्यकामा अत्यावश्यक सेवाबाहेक सबै सेवा बन्द गरिने पनि जानकारी दिए । उनका अनुसार निजी र सार्वजनिक यातायात दुवै बन्द गरिनेछ । त्यस्तै शैक्षिक संस्था, निजी कार्यालय, होटेल रेस्टुरेन्ट तथा पार्टी प्यालेस सञ्चालनमा पनि रोक लगाइने तयारी गरिएको छ ।
सम्पर्क इमेल : nepalihealthnews@gmail.com