काठमाडौँ, २० माघ । पछिल्लो चौविस घण्टामा देशभर थप १ सय ७१ जनामा कोरोना भाइरस (कोभिड-१९)संक्रमण देखिएको छ । यही अवधीमा देशभरबाट थप २ सय ५९ जना संक्रमणमुक्त भएर घर फर्किएका छन् ।

त्यसैगरी काठमाडौँ उपत्यकामा ६५ जना थपिएका छन् ।

देशभरका बिभिन्न प्रयोगशालामा २ हजार ९ सय ४६ जनाको पीसीआर बिधिबाट गरिएको नमुना परीक्षणका क्रममा थप १ सय ७१ जनाको कोरोना भाइरस पोजेटिभ आएको स्वास्थ्य तथा जनसंख्या मन्त्रालयले जनाकारी गराएको छ । नेपालमा हालसम्म कुल २० लाख ७८ हजार ९८ जनाको पीसीआर नमुना परीक्षण भएको छ ।

हालसम्म नेपालमा कुल संक्रमितको संख्या २ लाख ७१ हजार २ सय ८९ पुगेको छ । भने कोरोनामुक्त हुनेको संख्या २ लाख ६६ हजार ८ सय ५९ सय पुगेको छ ।

हालसम्म देशभर सक्रिय संक्रमितको संख्या २ हजार ४ सय रहेको छ । क्वारेनटिनमा ९५ जना रहेका छन् । आइसीयूमा १२८ र भेन्टीलेटरमा २१ जना उपचाररत छन् । पछिल्लो २४ घण्टामा थप एक जना संक्रमितको मृत्यु भएको छ । हिजो शोमवार भने मृतकको संख्या शून्य थियो । यी सहित नेपालमा कोरोना संक्रमणबाट मृत्यु हुनेको संख्या २ हजार ३० पुगेको छ ।