काठमाडौँ, १ जेठ । काठमाडौँ र कपिलवस्तुमा गरी थप दुई जनामा कोरोना संक्रमण देखिएको छ ।

राष्ट्रिय जनस्वास्थ्य प्रयोगशालामा पीसीआर विधिबाट गरिएको परीक्षणबाट काठमाडौँ चन्द्रागिरी निवासी ३२ बर्षीय पुरुष र कपिलवस्तुकी ६ बर्षीया बालिकामा संक्रमण देखिएको हो ।

स्वास्थ्य मन्त्रालयका सहप्रवक्ता डा समिरकुमार अधिकारीले दुबैको स्वास्थ्य अवस्था सामान्य रहेको र उनीहरु दुबै स्वास्थ्यकर्मीको सम्पर्कमा रहेको बताए ।

विहीबार विहान थपिएको २ संगै देशभर कुल कोरोना संक्रमितको संख्या २४५ पुगेको छ ।