काठमाडौँ, ८ साउन । सरकार र डा. गोविन्द केसीका प्रतिनिधिबीच आज भएको बार्ता सकिएको छ । बेलुका ६ बजे देखि शिक्षा मन्त्रालयमा चलेको बार्ता भोलि विहान पुन: बस्ने गरी सकिएको हो ।

आजको बार्ता पछि जारी संयुक्त विज्ञप्ती अनुसार डा केसीका धेरै मागमा समझदारी भएको छ । बाँकी केही मागका विषयमा भोलि बस्ने बैठकले तय गर्ने बताइएको छ ।

विज्ञप्तीमा सरकारी टोलीको तर्फबाट संयोजक बनेका शिक्षा सचिव खगराज बराल र डा केसीका तर्फबाट संयोजक बनेका डा अभिषेकराज सिंहले हस्ताक्षर गरेका छन् ।

भोलिको बार्ता विहान ९ बजे बाट बस्ने बताइएको छ ।