काठमाडौँ, २७ चैत । नेपाल मेडकल काउन्सिलले विसं २०८२ सालमा लिईने स्नातक तहको दर्ता प्रमाणपत्र (लाइसेन्स) परीक्षा तथा स्नातकोत्तर तहको विशेष (स्पेशल) परीक्षाको बार्षिक तालिका सार्वजनिक गरेको छ ।

काउन्सिलले दुबै परीक्षा चार चार महिनाको अन्तरमा तीन तीन पटक लिने व्यवस्था मिलाएको छ ।

काउन्सिलका अनुसार स्नातक तहको दर्ता प्रमाणपत्र (लाइसेन्स)परीक्षा २०८२ सालको जेठ १२ देखि १४ गते सम्म पहिलो, असोजको ८ देखि १० गतेसम्म दोस्रो र १३ देखि १५ माघसम्म तेस्रो पटक परीक्षा लिने छ ।

यस्तै स्नातकोत्तर तहका लागि लिईने विशेष परीक्षा साउनको १६ र १६ गते पहिलो, मंसिरको १६ र १७ गते दोस्रो तथा चैतको १९ र २० गते तेस्रो परीक्षा लिईने जनाएको छ ।

काउन्सिलले सबै परीक्षा पुल्चोकस्थित नेपाल इन्जिनियरिङ अध्ययन संस्थानको पुल्चोक क्याम्पसमा कम्प्युटर विधिबाट लिने गरेको छ ।